Përqëndrimi në Namaz

Namazi është një nga veprat më të mëdha që e lidh njeriun me Zotin. Është takimi ynë i përditshëm me Krijuesin, një moment përulësie, falënderimi dhe lutjeje. Por shpesh ndodh që trupat tanë janë në namaz, ndërsa mendjet tona janë të shpërqendruara. Kjo e dobëson përjetimin shpirtëror të këtij adhurimi madhështor.

Çfarë është përqëndrimi në namaz (khushuu’)?
Përqëndrimi në namaz do të thotë ta përjetosh me zemër çdo fjalë dhe veprim që bën, duke e ndjerë se je para Allahut. Është kur e ndalon veten nga mendimet e kësaj bote dhe e mbush shpirtin me ndjenjën se je në prani të Atij që të krijoi.

Profeti Muhamed (paqja qoftë mbi të) ka thënë:
“Njeriu nuk i shkruhet nga namazi i tij tjetër veçse ajo që ka qenë i përqendruar në të.”
(Transmeton Ebu Davudi)

Kjo do të thotë se shpërblimi i namazit tonë varet nga përqendrimi dhe sinqeriteti me të cilin e falim atë.

Si ta arrijmë përqëndrimin në namaz? 1. Kujtoje madhështinë e Atij që po adhuron.
Kur hyn në namaz, thuaj në zemër: “Po qëndroj para Zotit të botëve.” Kjo vetëdije do të të ndihmojë të përqendrohesh. 2. Mëso kuptimin e fjalëve që thuhet në namaz.
Kur e kupton çdo fjalë që shqipton, zemra përfshihet më shumë në adhurim. 3. Largohu nga shqetësimet dhe përgatitu për namaz.
Falja e namazit me qetësi, me rroba të pastra dhe në një vend të rehatshëm, ndihmon në përqendrim. 4. Mos u ngut.
Ngutja në namaz është shenjë e shpërqendrimit. Fal namazin me qetësi dhe ngadalëso lëvizjet. 5. Lutja pas namazit.
Kërko nga Allahu që të të dhurojë përqendrim në namaz. Askush nuk mund ta arrijë këtë vetë, pa ndihmën e Tij. Përfitimet e përqëndrimit në namaz

Qetësi shpirtërore
“Me të vërtetë, me përmendjen e Allahut qetësohen zemrat.” (Kurani, 13:28)

Pastrim i mëkateve
Namazi i përqendruar është shlyes i mëkateve të vogla dhe mburojë kundër mëkateve të mëdha.

Forcim i lidhjes me Allahun
Sa më shumë të përqendrohesh, aq më shumë e ndjen praninë dhe dashurinë e Allahut.

Namazi është dritë, por për ta parë atë dritë, duhet që zemra të jetë e hapur dhe mendja e përqendruar. Lutja jonë është që Allahu të na e zbukurojë namazin, të na dhurojë përqendrim dhe sinqeritet në çdo ruku’ dhe sexhde.